Отырар жалпы білім беретін мектебінде 2026 жылдың 4 ақпан күні сағат 11:00-де «Заң мен тәртіп – Қауіпсіз Қазақстан үшін!» бастамасы және «Қауіпсіз балалық шақ» тұжырымдамасы аясында маңызды онлайн кездесу өтті. Тікелей эфир форматында ұйымдастырылған шараға Түркістан облысы прокурорының орынбасары Тлемисов Даулет Бекбашұлы арнайы қатысып, оқушылармен ашық пікір алмасты.
Кездесуге 7–11 сынып оқушылары, сынып жетекшілері және пән мұғалімдері белсене қатысты. Іс-шараның негізгі мақсаты – жасөспірімдердің құқықтық сауаттылығын арттыру, құқықбұзушылықтың алдын алу және қауіпсіз орта қалыптастыру.
Кездесу барысында кәмелетке толмағандар арасындағы құқықтық жауапкершілік, интернеттегі қауіпсіздік, буллинг пен кибербуллингтің алдын алу жолдары туралы мазмұнды түсіндірмелер берілді. Мамандар оқушыларға күнделікті өмірде кездесуі мүмкін қауіптердің алдын алу тәсілдерін айтып, заң талаптарын сақтаудың маңыздылығына тоқталды.
Оқушылар өздерін толғандырған сұрақтарын қойып, нақты әрі түсінікті жауаптар алды. Ашық диалог форматында өткен бұл жүздесу жас буынның құқықтық мәдениетін қалыптастыруға және қауіпсіз мінез-құлық дағдыларын дамытуға оң ықпал етті.
Шара соңында құқықбұзушылықтың алдын алу бағытында қосымша түсіндіру жұмыстары жүргізіліп, заңды білу – әр азаматтың міндеті екені ерекше атап өтілді.
