Отырар ауданында нашақорлық пен есірткі бизнесінің алдын алу бағытындағы жұмыстар жүйелі түрде жалғасуда. Осыған орай, Отырар аудандық ведомствоаралық штабтың 2026 жылғы 31 наурыздағы №1 хаттамалық шешімін жүзеге асыру мақсатында "Отырар" жалпы білім беретін мектебінде профилактикалық іс-шара ұйымдастырылды.
Іс-шара аясында 5-11 сынып оқушылары арасында анонимді әлеуметтік сауалнама алынып, жасөспірімдердің зиянды әдеттерге көзқарасы, құқықтық сауаттылығы және эмоционалдық жағдайы зерделенді.
Мақсат — оқушылар арасында құқық бұзушылықтың, нашақорлықтың алдын алу, салауатты өмір салтын насихаттау және қауіпсіз орта қалыптастыру. Мұндай жұмыстар жас ұрпақтың саналы әрі жауапты азамат болып қалыптасуына үлкен ықпал етеді.
Болашақ — дені сау, білімді ұрпақтың қолында!
Сондықтан әрбір жас зиянды әдеттен аулақ болып, өмірдің жарқын жолын таңдауы қажет.
