Шебер қолдар үйірмесінің жетекшісі Ибраиимова Бағила апайымыздың оқушыларға үйретіп жатқан сабағы – шынайы еңбек пен өнердің керемет үйлесімі.
Бұл үйірмеде әрбір оқушы өз қиялын іске асырып, қолөнердің қыр-сырын меңгеріп келеді. Әрбір жасаған бұйымдарынан ұқыптылық, талғам және үлкен жауапкершілік анық байқалады.
Бағила апайымыз – шәкірттерінің бойына тек шеберлікті ғана емес, сабырлылықты, төзімділікті, әсемдікке деген сүйіспеншілікті сіңіріп жүрген ұлағатты ұстаз. Әр сабағы мазмұнды, әрбір үйреткен ісі – оқушылар үшін үлкен тәжірибе мен өмірлік дағды.
Осындай еңбегі ерен ұстазымыздың арқасында оқушыларымыз шығармашылыққа баулып, өз қолдарымен әсем дүниелер жасап, жетістікке жетуде. Шәкірттеріңіз биіктен көріне берсін, еңбегіңіздің жемісін көре беріңіз!
