Мектебімізде 7-сынып ата-аналарының басын қосқан «Мектеп, оқушы, ата-ана ынтымақтастық қырлары» атты мазмұнды кездесу болып өтті. Бұл жиын – «Адал азамат- біртұтас тәрбие» бағдарламасы аясында ата-аналарды қолдау және мектеп пен үй арасындағы алтын көпірді нығайту мақсатында ұйымдастырылды.
Жиналыстың басты мақсаты:
Бала тәрбиесіндегі ортақ жауапкершілікті сезіну, жасөспірім шақтағы оқушыларға дұрыс бағыт-бағдар беру және мектеп пен ата-ана арасындағы ашық диалогты қалыптастыру.
* Директордың тәрбие ісі жөніндегі орынбасары Ж. Абишов сөз сөйлеп, бүгінгі қоғамдағы бала тәрбиесінің өзекті мәселелерін, мектеп пен ата-ананың тығыз байланысы ғана табысқа жетелейтінін атап өтті.
* Сынып жетекшісі Ш. Балтабаева 7-сынып оқушыларының оқу үлгерімі, тәртібі мен жетістіктері туралы есеп беріп, алдағы жоспарлармен бөлісті.
Жиналыс тек баяндамамен шектелмей, ерекше тренингтерге ұласты. Ата-аналар белсенді қатысып, өз ойларымен бөлісті:
* «Белсенділік түйіні» әдісі: Ата-аналар бала тәрбиесіндегі өз рөлдерін жаңа қырынан танып, өзара тәжірибе алмасты.
* «Анамның ең жиі айтатын сөзі»: Бұл сәт баршамызға ой салды. Ананың әрбір сөзі – баланың болашақ тағдырының іргетасы екенін тағы бір мәрте ұғындық.
Бала – аманат, тәрбие – ұлы мұрат,
Ынтымақта болсақ біз, ашылар бақ.
Мектеп пенен ата-ана бірлескенде,
Шәкірттердің таудай боп тасылар бақ.
Білімнің жолы – биік белес, асулар,
Ұстаз бен ата-анада бар асылдар.
Жеткіншекті қолдасақ бір жеңнен қол шығарып,
Болашақтың есігі бізге ашылар!
Бала болашағы – бәрімізге ортақ аманат. Уақыт тауып, баласының ертеңіне бей-жай қарамай қатысқан әрбір ата-анаға алғыс айтамыз. Ынтымақтастығымыз нығая берсін!
#БіртұтасТәрбие #АтаАналарЖиналысы #МектепМеруерті #7Сынып #ТәрбиеТалБесіктен #Ынтымақтастық
