Қысқы демалыстағы қызықты тапсырмалар.
"Адал азамат" біртұтас тәрбие бағдарламасы аясында Қысқы демалыс – оқушылар үшін демалыспен қатар, кітап оқуға деген қызығушылықты арттырып, шығармашылық қабілеттерін дамытуға берілген тамаша мүмкіндік. Осы орайда қысқы демалыс кезеңінде мектебімізде кітапқа негізделген мазмұнды әрі тәрбиелік мәні зор іс-шаралар ұйымдастырылды.
Аталған шығармашылық тапсырмалар мектеп кітапханашысы Ф. Момбекованың ұйымдастыруымен өткізіліп, оған мектеп оқушылары белсене қатысты. Оқушылар өздерінің кітапқа деген сүйіспеншіліктерін, ой ұшқырлығын және шығармашылық әлеуеттерін көрсете білді.
1–4 сынып оқушылары
«Менің сүйікті кейіпкерім» тақырыбында сурет салу байқауына қатысып, сүйікті ертегі, әңгіме кейіпкерлерін қағаз бетіне түсірді. Балалардың жұмыстары мазмұнды, көркем әрі ерекше болды.
5–8 сынып оқушылары
«Менің үйімдегі кітапхана» тақырыбында бейнероликтер дайындап, үйдегі кітап оқуға арналған бұрыштарын таныстырып, кітаптың адам өміріндегі маңызын жеткізе білді.
9–11 сынып оқушылары
«Мен ұсынар едім…» тақырыбында оқыған кітаптары бойынша бейнебаян түсіріп, өз ойларын еркін жеткізді. Бұл тапсырма оқушылардың сөйлеу мәдениетін арттырып, кітапты талдай білу дағдыларын қалыптастырды.
Қысқы демалыс барысында өткізілген бұл іс-шаралар оқушылардың бос уақытын тиімді ұйымдастыруға, кітап оқуға деген қызығушылығын арттыруға және шығармашылық қабілеттерін дамытуға зор ықпал етті. Барлық қатысқан оқушыларға алғыс білдіреміз.
Осындай тәрбиелік мәні зор жұмыстар алдағы уақытта да өз жалғасын табады деп сенеміз.
Кітап – білім бұлағы!
Оқуға құштар ұрпақ – жарқын болашақ
