Зерттеу сабағы – сапалы білімге қадам 8 «Б» сыныбында Lesson Study үдерісі аясында ашық зерттеу сабағы өткізілді. Сабақтың тақырыбы – «Қазақстандағы ұжымдастыру», пән мұғалімі – Маябас Н.
Сабақ барысында оқушылар тарихи деректерге сүйене отырып, ұжымдастыру кезеңінің ел өміріне тигізген әсерін талқылады. Оқушылардың өз ойларын еркін жеткізуі, дәлел келтіруі және оқиғаларға талдау жасауы назарға алынды. Әсіресе, бірлескен жұмыс кезінде оқушылардың белсенділігі мен өзара қолдауы айқын көрінді.
Lesson Study тобы сабақ үдерісін бақылап, оқытудағы тиімді тәсілдерге талдау жүргізді. Кейінгі талқылауда мұғалімдер тәжірибе алмасып, алдағы сабақтарды жетілдіруге бағытталған нақты ұсыныстар жасады.
Мұндай зерттеу сабақтары – мұғалімнің кәсіби дамуына, ал оқушының терең білім алуына жол ашады.
