Отырар ауданы "Отырар жалпы білім беретін мектеп" мемлекеттік мекемесінде 16.01.2026 жылы Түркістан облысының дін саласындағы ақпараттық түсіндіру тобының 2026 жылғы қаңтар айына арналған халықтың мақсатты топтарына ақпараттық түсіндіру жұмыстарын жүргізу бойынша өткізілетін кездесу кестесіне сәйкес мектебіміздің 8-11 сынып оқушылары, сынып жетекшілері және пән мұғалімдерінің қатысуымен жиын ұйымдастырылып өткізілді. Жиын барысында сөз алған Түркістан облысы « Дін істері басқармасы,Дін мәселелерін зерттеу орталығының» теолог маманы Әмзеев Нұрлыхан дін саласы бойынша жан жақты түсіндірме жұмыстарын жүргізді. Мектеп оқушылары дін саласы бойынша толғандырып жүрген сұрақтарын қойып, толыққанды құнды мәлімет алды. Отырар ауданы әкімдігінің ішкі саясат бөлімінің дін істері жөніндегі сектор меңгерушісі Сәрсеков Ғалымжан облыс аудан көлеміндегі әлеуметтік желіні дұрыс пайдалана алмай қателесіп жатқан мектеп жасындағы балалар жөнінде әңгімелеп, оқушыларымызға ондай қателіктерге бой алдырмау керектігі жөнінде түсіндіріп жиналысты қорытындылады.
