Баланың интернетке тәуелділігін қалай алдын аламыз?» тақырыбында ата-аналар жиналысы өткізілді.
Түркістан облысы білім басқармасының «Түркістан облысының психологиялық қолдау орталығы» КММ-нің 2025–2026 оқу жылына арналған №503 (06.02.2026ж) жұмыс жоспарына сәйкес, К.Янгтың интернетке тәуелділік деңгейін анықтау және оның алдын алу мақсатында мектебімізде педагог психолог Б.Абдрахимов пен әлеуметтік педагог К.Одаманның ұйымдастыруымен ата-аналар жиналысы ұйымдастырылды.
Жиналыстың мақсаты – оқушылардың интернетті саналы әрі қауіпсіз пайдалану дағдыларын қалыптастыру, интернетке тәуелділіктің алдын алу және ата-аналардың цифрлық тәрбиедегі рөлін күшейту.
Жиын барысында интернетке тәуелділіктің психологиялық белгілері мен салдары, баланың бос уақытын тиімді ұйымдастыру, өзін-өзі бақылау дағдыларын дамыту, сондай-ақ ата-аналардың балалардың интернет қолдануын дұрыс бағытта ұйымдастыруы бойынша маңызды кеңестер берілді.
Ата-аналар өз пікірлерін білдіріп, тәжірибе алмасып, бала тәрбиесіндегі ортақ жауапкершіліктің маңыздылығын түсінді.
Бала қауіпсіздігі – басты назарда. Болашақ ұрпақтың саналы әрі қауіпсіз ортада өсуі үшін мектеп пен ата-ана ынтымақтастығы әрқашан маңызды.
