«Бақытты балалық шақ – қылмыссыз жол» аудандық челленджі аясында мектебіміздің оқушылары «Интернет алаяқтық және қылмысқа жол жоқ» тақырыбында сурет салу байқауына белсене қатысты.
Балалар өз туындылары арқылы адалдық, қауіпсіздік, мейірімділік пен дұрыс таңдау жасаудың маңызын бейнелеп, қылмыссыз қоғам – жарқын болашақ кепілі екенін шығармашылық тілмен жеткізе білді. Әр суретте – балалықтың тазалығы, сенім мен үміт, қауіпсіз өмірге деген көзқарас көрініс тапты.
Бұл байқау оқушылардың құқықтық сауаттылығын арттырып қана қоймай, олардың ой-өрісін, қиялын және азаматтық ұстанымын дамытуға үлкен ықпал етті.
Бақытты балалық шақ — қауіпсіз ортадан басталады!
