ЖЕТІСТІК – ЖЕМІСТІ ЕҢБЕКТІҢ НӘТИЖЕСІ
Түркістан облысы, Отырар ауданы көлемінде өткен жыл қорытындысы бойынша дене шынықтыру мен бұқаралық спортты дамытуға қосқан елеулі үлесі үшін «Жылдың үздік спортшысы» номинациясымен марапатталған 8-сынып оқушысы Бекәділ Есім Мамырбекұлын мектебіміздің директоры Асилбеков Керімбек шын жүректен құттықтады.
Бұл – жас спортшының табандылығы мен үздіксіз еңбегінің, жігері мен ерік-жігерінің нақты дәлелі. Бекәліл Есім тек мектеп намысын ғана емес, ауданымыздың, өңіріміздің абыройын асқақтатып жүрген дарынды шәкірттердің бірі. Осындай биік жетістікке жету жолында оның ұстаздары мен ата-анасының қолдауы да ерекше екені сөзсіз.
Мектеп директоры К. Асилбеков жас спортшыға алдағы уақытта да биік белестерді бағындырып, жеңіс тұғырынан көріне беруіне тілектестік білдіріп, мектеп ұжымы атынан алғыс айтып, сәттілік тіледі. Сонымен қатар, мұндай жетістіктер жас ұрпаққа үлгі болып, оқушыларды спортқа, салауатты өмір салтына баулуда маңызды рөл атқаратынын атап өтті.
Жас спортшыларымыздың жетістігі – мектебіміздің мақтанышы!
Бекәліл Есімге зор денсаулық, сарқылмас күш-жігер, жаңа жеңістер мен үлкен спорттық биіктер тілейміз! Әрдайым алға басып, армандарын ақиқатқа айналдыра берсін!
