"Адал азамат" біртұтас тәрбие бағдарламасы аясында "Отырар" жалпы білім беретін мектебімізде 4 «Ә» сынып жетекшісі Аманқұлова Клара апайдың ұйымдастыруымен
«Тәуелсіздік – тірегім, Қазақстан – жүрегім» атты мазмұнды да тағылымды тәрбие сағаты өткізілді.
Іс-шараның басты мақсаты – оқушылардың бойына елін, жерін сүюге деген патриоттық сезімді қалыптастыру, Тәуелсіздіктің қадір-қасиетін ұғындыру және мектеп пен ата-ана арасындағы ынтымақтастықты нығайту болды.
Тәрбие сағаты барысында оқушылар тақпақ айтып, ән шырқап, би билеп, тәрбиелік мәні зор көріністер қойып, өз өнерлерін ортаға салды. Әрбір қойылым Тәуелсіз Қазақстанның өткені мен бүгіні, жарқын болашағын дәріптеуге арналды. Балалардың белсенділігі мен сахна мәдениеті ата-аналардың зор ықыласына ие болды.
Іс-шара аясында ата-аналар жиналысы өткізіліп, оқу-тәрбие үдерісіне қатысты өзекті мәселелер талқыланды. Ата-аналар тарапынан ұсыныстар айтылып, мектеп пен отбасының бірлескен жұмысының маңыздылығы атап өтілді.
Сонымен қатар, салтанатты жағдайда оқушылар «Жас қыран» ұйымына қабылданып, ант қабылдады. Бұл сәт балалар үшін үлкен жауапкершілік пен мақтанышқа толы ерекше кезең болды. «Жас қыран» қатарына қабылданған оқушылар елін, жерін сүйетін, тәртіпті де білімді ұрпақ болуға уәде берді.
Іс-шара соңында ата-аналар мен қонақтар ұйымдастырушыларға алғыс білдіріп, балалардың өнері мен белсенділігіне жоғары баға берді. Мұндай тағылымды кездесулер жас ұрпақты елжандылыққа тәрбиелеуде маңызды орын алатыны сөзсіз.
