Отырар ауданының 90 жылдық мерейтойына арналған игі іс-шара 
Отырар ауданымыздың 90 жылдық мерейтойына орай Отырар жалпы орта мектебінде бірқатар тәрбиелік және экологиялық бағыттағы жұмыстар атқарылды. Іс-шара аясында мектеп ауласында көркейту және көгалдандыру жұмыстары жүргізіліп, мәңгі жасыл шыршаның жаңа шыққан өркені егілді. 
Бұл игі бастама туған жерді көркейтуге, табиғатты аялауға және жас ұрпақтың экологиялық мәдениетін қалыптастыруға бағытталды.
Іс-шара барысында мектептің белсенді үздік оқушысы Төлебай Нұрила жиналғандарға атқарылған жұмыстарды таныстырып, ауданның 90 жылдық мерейтойына арналған құттықтау сөзін жеткізді.
Сондай-ақ, мектеп директоры К. Асилбеков мерейлі мерекемен барша ұжымды және ауыл тұрғындарын құттықтап, Отырар ауданының өркендеуі мен дамуына ізгі тілегін білдірді.
Отырар ауданының 90 жылдық мерейтойы құтты болсын!
Елдің еңсесі биік, еңбегі берекелі болсын! 
#Отырар90жыл #ОтырарМектебі #ТуғанЖергеТаңдама #Көгалдандыру #БерекеБірлік
