“Каникулда кітап оқимыз” атты танымдық сағат өтті
"Адал азамат" біртұтас тәрбие бағдарламасының "Балалар кітапханасы" жобасы аясында оқушылардың кітапқа деген қызығушылығын арттыру, рухани байлығын дамыту және бос уақыттарын тиімді өткізу мақсатында 30 қазан күні Отырар жалпы білім беретін мектеп коммуналдық мемлекеттік мекемесінде кезекті танымдық іс-шара ұйымдастырылды.
Кітапханашы Момбекова Фариза бастауыш сынып оқушыларымен бірлесе отырып “Каникулда кітап оқимыз” атты онлайн танымдық сағатын өткізді. Іс-шара барысында балалар демалыс кезінде оқыған кітаптары туралы ой бөлісіп, сүйікті кейіпкерлері мен қызықты оқиғаларды айтып, өз әсерлерін ортаға салды.
Шараға 4-сынып жетекшісі Битуова Шакизат, 3-сынып жетекшісі Бұлдырықова Тәттігүл, 2-сынып жетекшісі Төлебекова Ләззат апайлар белсене қатысып, оқушыларға кітап оқудың маңыздылығын түсіндіріп, ізденімпаздыққа бағыт-бағдар берді.
Іс-шараға қатысқан оқушылар:
4-сыныптан – Манап Кәусар, Сәрсенбекқызы Айерке,
3-сыныптан – Үсен Ораз,
2-сыныптан – Алдаберген Алихан, Құрманбек Сымбат.
Балалар өздерінің сүйікті кітаптары жайлы әсерлі әңгімелеп, оқыған туындыларынан түйген ойларын жеткізді. Бұл кездесу олардың сөздік қорын байытып, сөйлеу мәдениетін жетілдіруге, оқуға деген ынтасын арттыруға зор ықпал етті.
Кітапханашы Момбекова Фариза оқушыларды әрдайым кітап оқуға шақырып, “Кітап — рухани азық, білімнің қайнар көзі” екенін атап өтті.
Осындай мазмұнды іс-шаралар оқушылардың әдебиетке деген сүйіспеншілігін арттырып қана қоймай, олардың ой-өрісін кеңейтіп, тұлғалық дамуына үлкен үлес қосады.
Кітап — ең сенімді дос, ал оқу — ең пайдалы демалыс!
Толығырақ сілтемеге өтіңіз
