ҚҰҚЫҚТЫҚ ТӘРБИЕ – САНАЛЫ ҰРПАҚ КЕПІЛІ
2025–2026 оқу жылы аясында білім алушылардың құқықтық сауаттылығын арттыру, заңды құрметтейтін, өз құқығы мен міндетін білетін саналы тұлға қалыптастыру мақсатында 7–8 «а» сынып оқушыларының қатысуымен «Жасөспірімнің түсінік алу және қабылдау тәртібі» тақырыбында дөңгелек үстел өткізілді.
Іс-шара барысында жасөспірімдердің құқықтары мен міндеттері, заң алдындағы жауапкершілігі, құқық бұзушылықтың алдын алу, өз әрекетіне жауапкершілікпен қарау, сондай-ақ қоғамдағы тәртіп пен әдеп нормаларын сақтау мәселелері кеңінен талқыланды. Оқушылар берілген тақырып төңірегінде ой бөлісіп, өз пікірлерін ашық жеткізіп, өмірлік жағдаяттарға байланысты сұрақтарға жауап берді.
Дөңгелек үстелдің мазмұны оқушыларға құқықтық білім берумен қатар, олардың ойлау қабілетін дамытуға, дұрыс шешім қабылдауға, өз көзқарасын мәдениетті түрде жеткізуге мүмкіндік берді. Әрбір жасөспірім заң талаптарын білу арқылы өз болашағына жауапкершілікпен қарау қажеттігін түсінді.
Аталған шараны сынып жетекшілері Нажмадинова Назира мен Балтабаева Шынар ұйымдастырып, оқушыларға бағыт-бағдар берді. Мұндай тәрбиелік мәні зор кездесулер өскелең ұрпақтың құқықтық мәдениетін қалыптастыруда маңызды рөл атқарады.
