"Отырар" жалпы білім беретін мектебінде
«Жібек жолы» бірлестігінің айлық іс -шара жоспарына сәйкес тарих пәнінің мұғалімі Н.Маябас 8-сынып оқушыларымен "Қазақ КСР экономикалық шикізатқа бағытталуы тақырыбында ашық сабақ өткізді. Сабақтың басты мақсаты — Кеңестік дәуірдегі Қазақстан экономикасының даму бағытын, шикізат өндіру саясатының елдің әлеуметтік-экономикалық дамуына тигізген әсерін түсіндіру болды.
Сабақ барысында мұғалім оқушыларды тарихи деректермен, статистикалық мәліметтермен және сол кезеңдегі нақты мысалдармен таныстырды.
Оқушылар топтық жұмыстар арқылы елдің экономикалық жағдайына, өнеркәсіптің құрылымына және шикізатқа тәуелділіктің салдарларына талдау жасады. 
Заманауи оқыту әдістері – “Ойлан, талқыла, бөліс”, “Дерекпен дәлелде” тәсілдері тиімді қолданылды. Әрбір оқушы өз ойын еркін айтып, тарихи құбылыстарға баға беріп, логикалық тұрғыда ой қорыта білді.
Сабақ соңында оқушылар Қазақстанның экономикалық бағытының тарихи сабақтарын бүгінгі күнмен байланыстырып, еліміздің тәуелсіздік жылдарындағы даму жетістіктерімен салыстырды. Бұл өз кезегінде жас ұрпақтың ел тарихына деген қызығушылығын арттырды және отансүйгіштік сезімін нығайтты. 
Сабақ жоғары деңгейде ұйымдастырылған. Мұғалім заманауи әдіс-тәсілдерді тиімді қолданып, оқушылардың белсенділігін арттыра білді. Тақырыптың мазмұны терең ашылып, оқушылардың тарихи ойлау, талдау, салыстыру қабілеттері дамыды.
Болашақта осындай тәжірибелік, дерекке негізделген сабақтарды жиі өткізіп, үлгерімі төмен оқушылармен жеке жұмыс жүргізу арқылы нәтижені арттыру ұсынылады.
Күнделікті сабақта жасанды интеллект платформасын жиі қолдану ұсынылды.
