«Балалар әдебиетінің бәйтерегі» танымдық кеші
Мектебімізде «Адал азамат» біртұтас тәрбие бағдарламасының «Балалар кітапханасы» бағыты аясында 5-сынып оқушыларымен қазақ балалар әдебиетінің көрнекті өкілі Сапарғали Бегалиннің 130 жылдығына арналған «Балалар әдебиетінің бәйтерегі» атты шығармашылық-танымдық шара өтті.
Кеш күймен ашылып, оқушылардың ұлттық өнерге деген құрметін арттырды. Сонымен қатар, оқушылар би билеп, жазушы шығармаларындағы көріністер мен бейнелерді сурет салу арқылы бейнелеп, өз шығармашылығын көрсетті.
Іс-шара барысында оқушылар жазушының өмірі мен балаларға арналған туындыларын танып, олардың тәрбиелік мәнін талқылады. Мақсат – балалардың әдебиетке қызығушылығын арттыру, адамгершілікке, еңбексүйгіштікке және табиғатты аялауға баулитын құндылықтарды насихаттау.
Ұйымдастырушылар:
Кітапханашы – Ф. Момбекова
Тәлімгер – Ф. Төлеген
Ұйымдастырушы – Н. Нажмаддинова
Балалардың өнері мен талпынысы көрініп тұрған мазмұнды кеш болды. Әдебиетке қызығушылықты арттыратын осындай шаралардың маңызы зор!
