Отырар жалпы білім беретін мектебінде 23 сәуір – Ұлттық кітап күніне орай «Артық ғылым – кітапта» атты кітап онкүндігінің салтанатты ашылуы өтті.
Бұл күн – жай ғана мереке емес, бұл – руханиятқа бастар жолдың, білімге деген құштарлықтың, кітапқа деген шексіз құрметтің көрінісі. Шара барысында оқушылар жүрек тебірентер өлең жолдарын арнап, кітаптың құдіретін сезіндіретін тағылымды ойларымен бөлісті. Әрбір айтылған сөз, әрбір орындалған өнер – кітапқа деген сүйіспеншіліктің жарқын дәлелі болды.
Кітап – үнсіз ұстаз. Ол адамға бағыт-бағдар беріп қана қоймай, оның жан дүниесін байытып, ой-өрісін кеңейтеді. Осындай игі бастамалар арқылы жас ұрпақтың санасына білімнің маңыздылығы сіңіріліп, олардың болашаққа деген сенімі нығая түседі.
Шараның жоғары деңгейде өтуіне ұйытқы болған ұйымдастырушы Фариза Момбековаға ерекше алғыс білдіреміз. Осындай мазмұнды іс-шаралар арқылы оқушылардың кітапқа деген қызығушылығы артып, рухани бай ұрпақ қалыптасары сөзсіз.
Кітаппен дос болайық, кітап оқуды әдетке айналдырайық! Себебі, білімнің кілті – кітапта.
#ҰлттықКітапКүні #АртықБілімКітапта #ОтырарМектебі #КітапОнкүндігі #РуханиБайлық
